Acà vintecinch egn, la pruma Festa da d’Istà i l’à endrezèda i Alpins. L’an dò se à jontà ite ence i Studafech e la Crousc Biencia da Cianacei. Enlouta la sociazions ziviles de la val stentèa a ciapèr contribuc. I no aea segur i mesi descheche i à anchecondì. Endrezèr adum na bela festa l’era la vértola per tirèr sù dotrei lires.
A cef di Studafech l’era l comandant Mario Micheluzzi, che se recorda amò la fadìa che i à fat a fèr la robes polito, descheche i volea.
Dò i Alpins se à tirà fora e l’é doventà la festa di doi gropes de volontadives, descheche la é amò anchecondì. Diesc egn alalongia l’é stat amò comandant Micheluzzi, fin del 1990, dò l’é jit sù Giorgio Testor, n auter che à lurà n muie acioche la festa garatassa.
Dai prumes egn de la festa, l’é stat n gran progress, economich se pel dir. Ades stèsc duc più ben, ma n’outa i cognea meter vèrda, tegnir cont, vardèr de no trèr demez nia. Mario aea fat fèr blochec de zédoles aposta da ge dèr fora al personèl per ciapèr da magnèr. Zenza cheles, no i ciapèa nia. Coscita se tegnìa dut più controlà che ades che no fèsc brea dombrèr i crofegn che se magna chi che laora te tendon.
Chel che no é mudà da vintecinch egn en ca lé l’armonìa che l’é semper stat anter i volontadives di doi gropes. E chesta union la jirà inant fin canche jirà inant la Festa da d’Istà. Ence percheche zenza de ic, no fossa nience più la festa, o amàncol, no la fossa medema.

Cianacei con duta sia istituzions à semper didà a meter a jir chesta Gran Festa. Estra Studafech e Crousc Biencia, l comun e la frazion à fat sia pèrt, la Sitc à manà omegn, L’Ofize di foresc’ à semper paà i cosc’ de la defilèda e del reclam.
i volontadives tachèa de mèrtesc dadoman a lurèr per la Festa da d’Istà e i fenìa l lùnesc do. Na bela strachèda per zachèi, che dò l’aea debesegn de n’autra setemèna per se pussèr fora..

Doverosa riconoscenza e gratitudine anche alle molteplici componenti istituzionali e individuali (Regione Trentino Alto Adige, Comprensorio, Comune di Canazei, Asuc di Gries, Canazei, Alba e Penia, Società Incremento Turistico, Società Ciampac e Contrin, e tutti i volontari), che, nell’evolversi degli anni, hanno supportato e consentito con risorse finanziarie, con ampia disponibilità e collaborazione, senza risparmio di tempo e di sforzi, la realizzazione di questo evento comunitario, umano e culturale, apprezzatissimo. A tutti un vivissimo ringraziamento, che vorrebbe essere anche richiesta e conferma di presenza e di parità di impegno per il futuro.

dal libro Fascegn: n viac te la storia di Claudia Conta e Maura Chiocchetti